بڕیارنامه‌ی كۆنگره‌ی
سێ‌یه‌م ده‌رباره‌ی
بارودۆخی ئێران‌و
جێوشوێنی تایبه‌تی
حیزبی كۆمۆنیستی كرێكاری
له په‌سه‌ندكراوه‌كانی
كۆنگره‌ی سێ‌یه‌می حیزبی
كۆمۆنیستی كرێكاریی ئێران
(١٣-١٤ی ئۆكتۆبه‌ری ٢٠٠٠)
به‌تێكڕای ده‌نگ په‌سه‌ند
كرا
١- ده‌ستپێكردنی ڕه‌وتی
ڕوخاندنی ڕژێمی ئیسلامی‌‌و،
پۆلاریزاسیۆنی
كۆمه‌ڵایه‌تی‌‌و سیاسی ئێستا له
كۆمه‌ڵگادا‌و، واقعییاته
بنه‌ڕه‌تی‌یه‌كانی ئابووری
سیاسی سه‌رمایه‌داری
له‌ئێراندا، ده‌رفه‌تێكی مێژوویی
چاره‌نووسسازی بۆ چینی
كرێكار‌و كۆمۆنیزمی كرێكاری
ڕه‌خساندووه بۆ
به‌رپاكردنی سۆسیالیزم له ئێراندا.
٢- شۆڕشی ٥٧ (١٩٧٩ی زاینی
له‌ئێران-و) یه‌كه‌مین
ڕیزبه‌ستنی گه‌وره‌‌و فراوانی
كۆمه‌ڵایه‌تی‌‌و چینایه‌تی بوو
له ده‌روونی ئێرانێكی
كاپیتالیستی‌دا. جێ‌ده‌ستی
چینی كرێكار له شۆڕشی دژی
ئیستبدادی‌‌و دژی
پاشایه‌تی ٥٧ دا، به‌رچاو‌و
بێ‌وێنه‌‌و چاره‌نووسسازبوو.
له‌گه‌ڵ هه‌موو ئه‌مانه‌شدا، له
ئه‌نجامی نه‌بوونی
بزووتنه‌وه‌یه‌كی حیزبیی
هۆشیار‌و به‌نفوزی كۆمۆنیستیی
كرێكاریدا كه بتوانێ مۆری
سه‌ربه‌خۆی چینی كرێكار
له شۆڕشێكی هه‌مه‌گانی
بدات‌و ڕابه‌رایه‌تی چینی
كرێكار به‌سه‌ر
بزووتنه‌وه‌ی گشتی‌دا زامن بكات‌و ئاسۆی
ڕزگاریبه‌خشی سۆسیالیزمی
كرێكاری‌‌و ماركسی بكاته
ئامانجی گشتیی به‌ره‌ی
ئازادیخوازی‌‌و شۆڕش،
بزووتنه‌وه‌ی كۆنه‌په‌رستی
ئیسلامی‌‌و ئۆپۆزسیۆنی
ته‌قلیدیی میللی- ئیسلامی، شۆڕشی
جه‌ماوه‌ریان به لاڕێدا
برد‌و سه‌ره‌نجام خه‌ڵتانی
خوێنیان كرد.
٣- ئه‌مجاره‌یان
بزووتنه‌وه‌ی حیزبیی كۆمۆنیستی
كرێكاری، ته‌نانه‌ت پێش هاتنه
مه‌یدانی جه‌ماوه‌ریی
كرێكاران له سه‌ر گۆڕه‌پانی
سیاسی ئێراندا حازره‌‌و
هه‌رئێستا وه‌كو یه‌كێك له
هێزه سیاسی‌یه
ده‌خاله‌تگه‌ره‌كان له ڕه‌وتی بارودۆخی
سیاسی ئاینده‌دا،
له‌ئاستی كۆمه‌ڵگادا دانی پێیا
نراوه. حیزبی كۆمۆنیستی
كرێكاری، به‌رهه‌می خۆنواندنی
كرێكار له شۆڕشی ٥٧ و
سه‌رهه‌ڵدانی
بزووتنه‌وه‌یه‌كی حیزبیی پشتبه‌ستوو به
كۆمۆنیزمی ماركس‌و لینین،
هه‌روه‌ها دیدێكی
ده‌خاله‌تگه‌ر‌و ڕادیكاڵه له
مه‌یدانی سیاسی ئێراندا. زیاتر
له دوو ده‌یه له
به‌رامبه‌ركێ‌ی كۆمۆنیزمی كرێكاری
له‌گه‌ڵ حیزب‌و چین‌و ئاسۆ
بۆرژوایی‌و ورده
بۆرژواییه‌كان له كۆمه‌ڵگای ئێران‌و
له‌نێوخۆی چه‌پدا، زیاتر
له دوو ده‌یه له به‌رگری
كردن له كۆمۆنیزم‌و ماركسیزم
ئه‌ویش له لوتكه‌ی
هێرشه‌كانی بۆرژوازی جیهانیدا،
هه‌روه‌ها زیاتر له دوو
ده‌یه هه‌وڵ‌‌وكۆشش بۆ
ڕێكخستنی پراتیكێكی كۆمۆنیستی
له‌جه‌رگه‌‌و له‌چه‌قی
به‌رامبه‌ركێ‌ی
كۆمه‌ڵایه‌تیدا، حیزبی كۆمۆنیستی
كرێكاری كردۆته ئاڵابه‌ده‌ستی
سه‌ره‌كیی ئازادیخوازی‌‌و
یه‌كسانیخوازی،
ڕادیكاڵیزم‌و سۆسیالیزم له كۆمه‌ڵگای
ئێراندا. ئێستا هه‌موو حیزب‌و
ده‌سته‌وتاقمه
سه‌ره‌كی‌یه‌كانی بۆرژوازی ئێران،
له ڕه‌وته ئیسلامییه
فه‌رمانڕه‌واكان‌و
ڕه‌خنه‌گرانی نێوخۆیانه‌وه تا تێكڕای
ئۆپۆزسیۆنی میللی‌‌و
ئیسلامی ده‌ره‌وه‌ی حكومه‌ت‌و
میللی‌یه‌كانی لایه‌نگری
غه‌رب‌و لایه‌نگرانی
رژێمی پێشوو، هه‌موویان
كۆمۆنیزمی كرێكاری وه‌كو قوتبی
به‌رامبه‌ری خۆیان پێناسه
ده‌كه‌ن. دژایه‌تی‌كردن
له‌گه‌ڵ حیزبی كۆمۆنیستی
كرێكاری بووه‌ته مه‌حه‌كی
وه‌فاداری ده‌ربڕین بۆ
حكومه‌ت‌و خۆته‌بریه‌كردن له
سه‌رنگونی‌خوازیی‌‌و
رادیكالیزم‌و شۆڕش.
٤- هه‌لومه‌رجی سیاسی ئێران
ده‌رفه‌تێكی دیاریكراوی
بۆ خۆته‌كاندانێكی
مێژووسازی كۆمۆنیستیی به
ئه‌نجامگه‌لێكی ئاڵوگۆڕبه‌خش له
ئێران‌و له‌ئاستی
نێونه‌ته‌وه‌ییدا فه‌راهه‌م كردووه.
ئه‌م هه‌له نابێ
له‌ده‌ست بچێت. كۆنگره‌ی سێ‌یه‌می
حیزبی كۆمۆنیستی
كرێكاریی ئێران سه‌رنجی حیزب له
هه‌موو ئاسته‌كاندا بۆ ئه‌و
ئه‌ركه مه‌ترسیدارانه
ڕاده‌كێشێ كه ئه‌م
هه‌لومه‌رجه ئه‌یخاته ئه‌ستۆی حیزب.
حیزبی كۆمۆنیستی كرێكاری
ده‌بێ به‌وێنه‌ی حیزبی
كرێكاران له كێشمه‌كێشی
ده‌سه‌ڵاتدا‌و وه‌كو ڕابه‌ری
شۆڕشی خه‌ڵك پێ‌بنێته
مه‌یدان. كۆنگره له
هه‌مانكاتدا كه دژواری‌‌و ئاسته‌نگه
گه‌وره‌‌و
زۆر‌وزه‌وه‌نده‌كانی سه‌ر رێگای حیزب‌و
بزووتنه‌وه‌ی كۆمۆنیزمی
كرێكاری بۆ گێڕانی ئه‌م
ڕۆڵه، ده‌رك ده‌كات، پێ‌ی
وایه حیزبی كۆمۆنیستی
كرێكاریی ئێران ده‌توانێ‌‌و
ده‌بێ ئه‌م هه‌نگاوه
گه‌وره‌یه هه‌ڵگرێ.
٥- كۆنگره جارێكی دیكه
جه‌خت له‌سه‌ر گرنگیی
باسه‌كانی "حیزب‌و ده‌سه‌ڵاتی
سیاسی"و "حیزب‌و كۆمه‌ڵگا"
ده‌كاته‌وه وه‌كو چه‌ند
باسێكی بنه‌ڕه‌تی
له‌بردنه‌سه‌ری حیزب بۆ ئاستی ئه‌ركه
مه‌ترسیداره‌كانی خۆی
له‌م قۆناغه‌ی ئێستادا‌و،
خوازیاری ئه‌وه‌یه كه
فراوانترین ئیستنتاجاتی
عه‌مه‌لی ئه‌م باسانه پیاده‌بكرێت.
٦- كۆنگره به‌جدی‌یه‌وه
سه‌رنجی رابه‌ران‌و كادرانی
حیزب له ئاسته جیاجیاكاندا
بۆ مه‌ودا گه‌وره‌‌و
فراوانه‌كانی ئه‌و ئه‌ركانه
راده‌كێشێ كه ئه‌م قۆناغه‌ی
ئێستا ده‌یخاته ئه‌ستۆیان.
كۆنگره خوازیاری
ئه‌وه‌یه كه ستاندارده‌كانی
هه‌ڵسووڕانی حیزب هاوشان
له‌گه‌ڵ پێداویستی‌یه‌كانی ئه‌م
قۆناغه ببرێته سه‌ره‌وه.
٧- كۆنگره بانگه‌وازی
هه‌موو ئه‌ندامان‌و
هه‌ڵسووڕاوانی حیزب ده‌كات بۆ
به‌شداریكردن له خه‌باتێكی
یه‌كده‌ست، گه‌رموگوڕ، نه‌سره‌وت،
رێكوپێك‌و فراوان بۆ به
سه‌ركه‌وتن گه‌یاندنی كۆمۆنیزم
له ئاڵوگۆڕه‌كانی ئێستای
ئێراندا.
وه‌رگێرانی سه‌عید ئه‌حمه‌د
Kurdish translation: Saeed Ahmad
m-hekmat.com #1630kuT.html
|
You need
TAHOMA font version 3.0 or higher to see Kurdish characters